الثوم من المكونات الأساسية اللي صعب أي مطبخ يستغنى عنها، لأنه بيضيف نكهة قوية ومميزة لأغلب الأكلات، غير إنه كنز صحي مليان فيتامينات ومعادن بتفيد الجسم ورغم كده، ستات كتير بيشتكوا من صعوبة تقشيره، خصوصًا لما يكون حجمه صغير، وده بيخلي المهمة مزعجة ومملة علشان كده، جايبين لك طريقة ذكية وسهلة جدًا تخلي تقشير الثوم حاجة بسيطة وسريعة، ومن غير ما تتعبي إيدك أو تضيعي وقت.
تقشير الثوم في الزجاجة: حيلة مبتكرة لكل ست بيت
الطريقة دي بتعتمد على استخدام زجاجة فتحتها واسعة نسبيًا. أول خطوة، قطعي الطرف الصغير من كل فص ثوم علشان يكون سهل يتقشر بعد كده، حطي الفصوص جوه الزجاجة وابدئي رجّيها كويس كأنك بتخضيها خلال ثواني، هتلاحظي إن القشر بيبدأ يفصل عن الفصوص، وكل اللي عليك تعمليه إنك تفتحي الزجاجة وتخرجي الثوم جاهز للاستعمال، من غير سكينة أو مجهود.
لو الثوم صغير جدًا؟ استخدمي الميه السخنة!
لو لقيتي فصوص الثوم صغيرة أوي وملزقة في قشرها، فيه حيلة إضافية هتسهل عليك الدنيا أكتر ضيفي شوية ميه سخنة جوه الزجاجة قبل ما تبتدي ترجّيها، الميه هتليّن القشر وتخليه يتفصل بسهولة، وهتقدري تخلّصي الكمية كلها في وقت قياسي ومن غير عناء.