ظهور البرص أو “أبو بريص” في البيت ممكن يكون من أكتر الحاجات اللي تخلّي أي حد يقلق أو يخاف، خصوصًا إنه من الزواحف اللي بتنقل البكتيريا وبتسبب تلوث في المكان علشان كده، بنقدملك في المقال ده طرق طبيعية 100% تقدر تستخدميها بكل أمان، من غير ما تضري أطفالك أو حيواناتك الأليفة، ومن غير اللجوء لأي مبيدات كيميائية.
الفلفل الحار: طارد طبيعي وسريع المفعول
الفلفل الحار يعتبر من أكتر الحاجات اللي البرص ما بيستحملهاش كل اللي عليكي تعمليه إنك تخلطي معلقة كبيرة من الفلفل الحار المطحون مع كوب ميه، وتحطيهم في بخاخ رشّي الخليط في الزوايا، ورا العفش، وعلى حواف الشبابيك والأبواب مادة الكابسيسين اللي فيه بتضايق البرص وبتخليه يهرب فورًا.
كرات النفثالين: قوة الطرد من الريحة
استخدمي كرات النفثالين وحطيها في الأماكن اللي ممكن يستخبى فيها البرص زي ورا التلاجة، تحت الغسالة، أو في الزوايا الرطبة ريحتها القوية بتزعجه جدًا، لكن خدي بالك تبعديها عن متناول الأطفال والحيوانات.
خليط الثوم والملح: وصفة منزلية فعّالة
اهرسي حوالي 4 أو 5 فصوص ثوم وامزجيهم مع ملعقتين كبار من الملح الخشن، ووزعي الخليط في الأماكن اللي ظهر فيها البرص الريحة القوية بتأثر على حواسه وبتخليه يهرب فورًا.
نصائح وقائية لحماية بيتك
اقفلي أي شقوق أو فتحات باستخدام السيليكون أو الأسمنت الأبيض، وقللي الإضاءة اللي بره البيت عشان ما تجيبش حشرات، ونظّفي المطبخ كويس علشان تمنعي وجود أي أكل ممكن يجذب البرص.