كل بنت بتحلم بشعر صحي، ناعم، وطويل من غير ما تضطر تستخدم مواد كيميائية ممكن تضر بفروة الرأس على المدى الطويل الغريب إن السر مش في المنتجات الغالية، لكنه موجود في مطبخك! القرنفل، العشبة اللي استخدمها القدماء، بيثبت يوم ورا التاني إنه كنز طبيعي لتقوية الشعر وتحفيز نموه بطريقة آمنة وفعالة.
زيت القرنفل وزيت الزيتون لتكثيف الشعر
اخلطي ملعقتين كبار من زيت القرنفل مع نص كوب زيت زيتون، ورجيهم كويس دلكي فروة رأسك بالخليط دا لمدة 10 دقايق بحركات دائرية، وبعدين غطي شعرك وسيبيه 3 ساعات قبل ما تغسليه بالشامبو كرري الوصفة مرتين في الأسبوع وهتشوفي الفرق في كثافة شعرك.
بخاخ القرنفل وورق الغار لإنبات الشعر
اغلي كوب ونص مية مع معلقة كبيرة قرنفل و5 ورقات غار، وبعد ما الخليط يبرد، صفيه وحطيه في بخاخ رشيه على شعرك وسيبيه ساعتين قبل الغسيل استخدميه 3 مرات أسبوعيًا وهتلاحظي تحفيز في نمو الشعر من أول أسبوعين.
ماسك القرنفل والحليب للترطيب العميق
اغلي معلقة قرنفل مطحون في كوب حليب، وسيبيه يبرد، وبعدها وزعيه على شعرك لمدة ساعة اغسليه بمية فاترة، وكرريه مرة أسبوعيًا علشان تحصلي على شعر ناعم ولامع من أول مرة.