زيت الزيتون معروف إنه من أنقى الزيوت الطبيعية وأكترها فائدة للجسم لكن الحقيقة المرة إن في أنواع كتير بتتباع على إنها بكر أو عضوي وهي في الأصل مغشوشة بطرق ما حدش كان يتخيلها، تاجر عراقي معروف خرج عن صمته وكشف معلومات مرعبة عن خدع بيستعملها تجار كتير علشان يحققوا أرباح خيالية على حساب صحة الناس
إزاي بيتغش الزيت ومن غير ما تحس
التاجر قال إن في بعض التجار بيخلطوا زيت الزيتون بزيوت أرخص زي زيت الذرة أو زيت الصويا وبيضيفوا نكهات وألوان صناعية علشان يبان بنفس الطعم والرائحة، الأخطر إن في بعضهم بيستخدم مواد كيميائية علشان يرفعوا الحموضة للمعدل المطلوب وده بيأثر على الكبد والجهاز الهضمي مع الوقت، الكارثة إن العبوات شكلها بيكون مغري ومطبوع عليها إنها زيت زيتون بكر ممتاز
علامات بسيطة تفضح الزيت المغشوش في بيتك
أول حاجة اعمل اختبار التجميد، حط الزجاجة في التلاجة ولو الزيت بدأ يتجمد جزئيًا فده مؤشر إنه نقي لكن لو فضل سائل تمامًا يبقى في شك كبير، كمان اللون مش دايمًا دليل كافي لأن في زيوت مغشوشة لونها مضبوط، لازم كمان تشم الريحة، الزيت الأصلي له ريحة فاكهية خفيفة مش نفاذة أو مزعجة، والطعم بيكون فيه لسعة خفيفة في الزور
نصائح ذهبية قبل ما تشتري أي زيت زيتون
اشتري من مصدر موثوق ولو قدرت تاخد الزيت من معصرة مباشرة يبقى ده أفضل حل. اتأكد من تاريخ الحصاد مش تاريخ التعبئة لأنه هو اللي يهم في جودة الزيت، ويفضل كمان تكون العبوة زجاج غامق علشان تحافظ على خصائص الزيت وما يتأثرش بالضوء، حافظ على صحتك وفلوسك لأن الغش بقى متقن واللي ما يعرفش يفتكر إن كل حاجة تمام وهو بيشتري المرض بإيده.