مع دخول الصيف، بتبدأ ربات البيوت تشتكي من ظهور النمل والصراصير بشكل مزعج، خصوصًا في المطبخ والأماكن الرطبة وبما إن المبيدات الكيميائية ممكن تكون مضرة بالصحة وخصوصًا للأطفال، كتير من الناس بيدوروا على حلول طبيعية تكون فعالة وآمنة في نفس الوقت في المقال ده، هنقدملك طريقتين مجربتين للتخلص من الحشرات باستخدام مكونات بسيطة من البيت.
وصفة السكر وبيكربونات الصوديوم: فخ طبيعي للنمل
الخلطة دي فعّالة جدًا وسهلة التحضير:
- اخلطي كمية متساوية من السكر البودرة وبيكربونات الصوديوم.
- رشي الخليط في الزوايا، تحت الحوض، أو عند أماكن ظهور النمل.
- النمل هيتجه للرائحة وياخد السكر معاه للعش.
- بيكربونات الصوديوم بتتفاعل مع الجهاز الهضمي للنمل وبتقضي عليه.
- الوصفة دي مش بس فعالة، كمان آمنة ومش بتضر الأطفال أو الحيوانات الأليفة.
الخل: حل سحري لطرد الحشرات
الخل الأبيض من أقوى المواد الطبيعية اللي بتطرد النمل ممكن ترشيه مباشر في الأماكن اللي بيظهر فيها أو تخلطيه مع شوية سائل تنظيف وتمسحي بيه الأرضيات لو ضفتي له زيت النعناع أو استخدمتي خل تفاح، الريحة هتكون أقوى وتأثيره أطول، لأن الحشرات مش بتتحمل الروائح النفاذة دي.